Landsréttur hefur snúið við niðurstöðu Héraðsdóms Reykjavíkur í máli Áslaugar Thelmu Einarsdóttur gegn Orku náttúrunnar, dótturfélagi Orkuveitu Reykjavíkur. Orka náttúrunnar er fyrrverandi vinnuveitandi hennar. Félagið var sýknað í héraðsdómi en Landsréttur dæmdi Áslaugu í vil og féllst á kröfur hennar.

Frétt af mbl.is

ON sýknað í máli Áslaugar Thelmu

Uppsögn eftir kvartanir yfir framkomu yfirmanns

„Forsaga málsins er sú að mér var fyrirvaralaust sagt upp störfum í september 2018 eftir að ég hafði ítrekað kvartað undan framkomu framkvæmdastjórans, sem var minn næsti yfirmaður. Það var hann sem sagði mér upp og vildi helst fylgja mér beint út úr húsi.

Hún kveðst hafa verið opinberlega smánuð á blaðamannafundi sem OR hafi boðað til, og hún ásamt eiginmanni sínum, sökuð um tilraunir til fjárkúgunar í öllum fréttamiðlum landsins. „Hér er um að ræða tímamótaaðför vinnuveitanda á hendur starfsmanni sem vonandi hefur hvorki sést fyrr né síðar.“

Áslaug hefur staðið í baráttu við OR í tæp fjögur ár og kveðst óska þess að þeim tíma hefði verið varið í eitthvað uppbyggilegra. Engu að síður sé hún þakklát fyrir að málinu sé nú lokið. 

„Ég þakka öllum þeim sem sýndu mér vinarþel og stuðning í baráttunni fyrir réttlæti.“

Tengdar fréttir

Málefni OR og Orku náttúrunnar

Áhrif á skjálftavirkni skoðuð frekar

• Vill synda hratt í gegnum sírópsfen leyfisveitinga
• ON vill yfirmat á um 60 milljóna bótamat
• Fordæmalaus bótakrafa í máli Áslaugar
• ON sýknað í máli Áslaugar Thelmu

» Fleiri tengdar fréttir

• Blogga um frétt