Lögreglan kölluð út eftir niðurlægingu United

Lögreglan á höfuðborgarsvæðinu var kölluð út eftir að stuðningsmaður ensks knattspyrnuliðs missti stjórn á skapi sínu, þegar lið hans fékk háðuglega útreið á laugardag.

Frá þessu greinir lögreglan á Facebook, en leiða má líkur að því að um sé að ræða stuðningsmann Manchester United, sem lenti 4:0 undir á móti liði Brentford eftir aðeins 35 mínútna leik, en þetta urðu einnig úrslit leiksins.

Frétt af mbl.is

Mörkin: Brentford niðurlægði United

Fór að síga á ógæfuhliðina

„Maðurinn var að horfa á leikinn í sjónvarpi og reiddist mjög, með tilheyrandi hljóðum, þegar fór að síga á ógæfuhliðina og mörkunum rigndi í vitlaust mark. Við þetta hringdu nágrannar stuðningsmannsins í lögreglu enda óttuðust þeir hið versta,“ segir í færslu lögreglunnar.

„Þegar hún kom á staðinn hafði ástandið róast og er vonandi að maðurinn nái að halda stillingu sinni næst þegar illa gengur hjá hans mönnum á fótboltavellinum.“

• Blogga um frétt