46 hafa sótt um bætur vegna bólusetningar við Covid-19
Setja bókamerki
Alls hafa 46 sótt um bætur vegna líkamlegs tjóns í kjölfar bólusetningar gegn Covid-19 hjá Sjúkratryggingum Íslands.
Mbl.is greindi frá því um miðjan júlí að Sjúkratryggingar höfðu samþykkt bótaskyldu í þrem málum. Sú tala hefur ekki breyst síðan þá.
Samkvæmt upplýsingum frá Sjúkratryggingum eru málin þó enn í gagnaöflun og hafa ekki verið greiddar bætur í neinu máli.
„Enn er óvíst með hvort tjón umræddra einstaklinga nái því lágmarki sem lög kveða á um svo bótagreiðsla fari fram, það eru um kr. 120.000,“ segir í skriflegu svari Sjúkratrygginga Íslands til mbl.is.
Bótaskyldu synjað í þrem málum
Þá hefur bótaskyldu verið synjað með ákvörðun í þrem málum. Þegar fyrst var greint frá málinu um miðjan júlí hafði tveimur umsóknum verið hafnað. Aðrar umsóknir eru enn í vinnslu.
„Önnur mál eru á ýmsum stigum vinnslu, frá því að vera í fyrstu gagnaöflun og til þess að styttast fari í að gefin verði út ákvörðun um hvort bótaskylda sé fyrir hendi,“ segir í svari Sjúkratrygginga.
Mbl.is hefur greint frá því að meðalaldur þeirra þriggja sem hafa fengið umsókn sína samþykkta séu 39 ár.
Nú liggur fyrir að tveir þeirra eru kvenkyns og einn karlkyns.
Ekki liggur fyrir hvers eðlis aukaverkanir þessara þriggja hafi verið. Mbl.is óskaði eftir upplýsingum um það í júlí en Sjúkratryggingar Íslands urðu ekki við því.
„Við eigum hvergi heimili“
Stóraukið fé til samgöngusáttmála
Aðhald, frestun og eignasala
Slökkva í síðustu glæðunum á morgun
Skrítin menning í bankanum
Segja yfir 50 þúsund hermenn fallna
„Ert þú þá svona latte-lepjandi hjólagaur?“
Starfsfólk gæti fengið reikning frá Skattinum