Umferðarslys varð um klukkan tvö í dag á veginum við Lómagnúp og hefur honum verið lokað vegna þess. Þetta kemur fram á síðu Vegagerðarinnar. Þar kemur einnig fram að vegurinn á milli Skaftafells og Kirkjubæjarklausturs sé lokaður vegna veðurs og sandfoks.
Björgunarsveitirnar Kyndill á Kirkjubæjarklaustri og Kári í Öræfum voru kallaðar út til aðstoðar, að sögn Karenar Óskar Lárusdóttur, verkefnastjóra aðgerðamála hjá Landsbjörgu.
Hún segir beiðni um aðstoð hafa borist um hálftvö í dag.