Katrín Jakobsdóttir forsætisráðherra og Ásmundur Einar Daðason, mennta- og barnamálaráðherra, undirrituðu í gær samning við Ketchup Productions um framleiðslu sjónvarpsþátta um skaðsemi hatursorðræðu.
Ingileif Friðriksdóttir er framkvæmdastjóri Ketchup Productions og hefur ásamt eiginkonu sinni, Maríu Rut Kristinsdóttur, heimsótt skóla og kynnt málefni hinsegin fólks auk þess sem þær halda úti Hinseginleikanum á Instagram.
Í tilkynningu á vef Stjórnarráðsins segir að greiðslur vegna verkefnisins nemi alls fimm milljónum króna.
Sjónvarpsþættir verða sýndir í Ríkssjónvarpinu og verða alls fjórir talsins.
Í tilkynningunni segir að þeir miði að því að fræða ungmenni um hatursorðræðu og verði meðal annars notaðir við kennslu.