Hrina nærri Eldey: Skjálfti upp á 3,5

Skjálftahrina ríður yfir nærri Eldey á Reykjaneshrygg og mældist stærsti skjálftinn 3,5 rétt eftir kl. hálfníu í kvöld.

Skjálfti af stærðinni 3,0 varð við Eldey einmitt þegar blaðamaður ræddi símleiðis við Bjarka Friis, náttúruvársérfræðing hjá Veðurstofu Íslands..

Yfir 20 skjálftar hafa síðan mælst á svæðinu. Klukkan 21.16 mældist skjálfti 3,2 að stærð.

Skjálfti í miðju símtali

Bjarki segir ekki óalgengt að skjálftar mælist á svæðinu.

Ólíklegt sé að skjálftarnir nærri Eldey valdi spennubreytingum sem nái til jarðhræringa við Svartsengi, en þó sé ekki hægt að útiloka það. 

Dagana 12.-18. febrúar reið hrina skjálfta yfir sama svæði, þar sem um hundrað skjálftar mældust. Stærsti skjálfti þeirrar hrinu var 3,5 að stærð.

Fréttin hefur verið uppfærð.

• Blogga um frétt