Fjöldi bílastæða við Kerið í Grímsnesi hefur verið tvöfaldaður til að anna eftirspurn. Óskar Magnússon, einn rekstraraðila Kersins, segir að með framkvæmdunum sé einnig verið að auka öryggi ferðamanna sem sækja Kerið heim.

Í stæðin er notuð rauðamöl sem er náttúrulegt efni af staðnum. Óskar segir hana „falla miklu betur að umhverfinu en malbik“. Nýju bílastæðin eru hluti af uppbyggingu á svæðinu en seinna stendur til að smíða gestastofu við Kerið með salernisaðstöðu fyrir starfsfólk og gesti.