Lögreglan á Suðurlandi hefur til rannsóknar alvarlegt ofbeldisbrot sem átti sér stað í uppsveitum Árnessýslu í lok apríl.
Þrír karlmenn og ein kona hafa sætt gæsluvarðhaldi vegna málsins. Allir hinna grunuðu eru Íslendingar.
Lögreglan greinir frá þessu á Facebook-síðu sinni.
Lögreglan greinir frá því að brotið varði meinta frelsissviptingu, líkamsárás og fjárkúgun í heimahúsi í Reykholti.
„Lögreglan á Suðurlandi er með til rannsóknar meinta frelsissviptingu, líkamsárás og fjárkúgun í heimahúsi í Reykholti. Þrír karlmenn og ein kona hafa sætt gæsluvarðhaldi vegna málsins. Gæsluvarðhaldið var nú síðastliðinn föstudag framlengt til 24. maí næstkomandi og er á grundvelli rannsóknarhagsmuna. Málið kom upp í lok apríl og er sá er misgjört var við erlendur ríkisborgari sem hefur verið hér á landi í langan tíma. Allir grunaðir í málinu eru Íslendingar,“ segir í færslu lögreglunnar.
Lögreglan á Suðurlandi nýtur aðstoðar lögreglunnar á höfuðborgarsvæðinu, embættis ríkislögreglustjóra og embættis héraðssaksóknara. Þá kemur fram að rannsókn málsins sé enn í fullum gangi og muni lögregla því ekki veita frekari upplýsingar um málið.
Rannsókn á alvarlegu ofbeldisbroti í uppsveitum Árnessýslu Lögreglan á Suðurlandi er með til rannsóknar meinta...
Posted by Lögreglan á Suðurlandi on Sunnudagur, 12. maí 2024