Ragnhildur Alda María Vilhjálmsdóttir, borgarfulltrúi Sjálfstæðisflokksins og meðlimur í velferðarráði, segir að hugur þurfi að fylgja máli hjá meirihlutanum og að lausnir verði að finnast fyrir skjólstæðinga Samhjálpar. Starfsemi áfangaheimilis þeirra við Höfðabakka í Reykjavík, eða Brú, er komið í uppnám eftir að Félagsbústaðir sögðu upp leigusamningi við þá.

Frétt af mbl.is

Samhjálp vísað á dyr

Alda segir þetta vera enn eina birtingarmynd af fjárhagsstöðu borgarinnar.

„Við erum að sjá enn eina birtingarmyndina af fjárhagsstöðu Félagsbústaða og borgarinnar. Við áttum von á því að Félagsbústaðir myndu draga saman seglin enda staðan ekki búin að vera góð hjá þeim, sem má rekja til stefnu meirihlutans hjá Félagsbústöðum um að kaupa nánast bara íbúðir í nýbyggingum á þéttingarreitum.” Alda segir að það hafi komið sér verulega á óvart að til stæði að segja upp leigusamningi við Samhjálp. Hún hafi talið að flestir í velferðarráði væru sammála um mikilvægi aðgerða sem tryggja að fólk hefði skjól yfir höfði sér og að þetta áfangaheimili sé einn liður í því.

Ekki náðist í fulltrúa frá meirihlutanum við vinnslu fréttarinnar.

Nán­ari um­fjöll­un er að finna í Morg­un­blaðinu í dag.

Tengdar fréttir

Fjárhagsörðugleikar Reykjavíkurborgar

Samstaða um að auka ekki álögur

• Afkoma borgarinnar 13 milljörðum undir áætlun
• Sundlaugargestir ósáttir við styttinguna
• Vilji sópa slæmri fjárhagsstöðu undir teppið
• Gjaldþrot Reykjavíkur kemur í veg fyrir framboð

» Fleiri tengdar fréttir