Gufa sést á nýjum stöðum á Hellisheiði

Athugull vegfarandi veitti því athygli um liðna helgi að hiti og gufa voru farin að stíga upp á nýjum stöðum á Hellisheiði. Vakið hefur furðu margra hversu mikill jarðhiti hefur verið að leita upp á yfirborðið, ekki síst undir þjóðvegi eitt í Hveradalabrekku við Skíðaskálann.

Vart varð við aukna jarðhitavirkni á svæðinu í maí.

Frétt af mbl.is

Aukin jarðhitavirkni undir Hringvegi

Vart varð við aukna jarðhitavirkni á svæðinu í maí. mbl.is/Eyþór Árnason

Fylgjast náið með stöðu mála

Gufubólstrar stigu upp um helgina á að minnsta kosti tveimur nýjum stöðum við Hveradalabrekku.

„Orka náttúrunnar sem rekur Hellisheiðarvirkjun og er að nýta jarðvarma á svæðinu fylgist afar náið með stöðu mála á þessu svæði í góðu samstarfi við Vegagerðina. Ekkert óvenjulegt hefur sést eða mælst á svæðinu undanfarna daga,“ segir Breki Logason, upplýsingafulltrúi Orkuveitu Reykjavíkur, í samtali við Morgunblaðið í dag.

Frétt af mbl.is

Vakta hitaaukningu í Hveradölum