Dagur B. Eggertsson borgarstjóri segir röð bilana á sorphirðutækjum hafi orðið til þess að sorp hafi safnast upp í borginni á undanförnum vikum.

Dagur segir borgina hafa verið að innleiða nýtt flokkunarkerfi fyrir heimilissorp í sumar. Tafir hafi orðið í því ferli varðandi pappír og plast.

„Við vorum að breyta þremur bílum til þess að takast á við nýju flokkunina auk nýrra bíla sem hafa verið keyptir. Þeir tóku upp á því að bila allir þrír. Það tafði okkur og við erum að vinna upp þær tafir.“

Frétt af mbl.is

Sósíalistar vilja að borgin sinni grenndargámum

Tæki geta bilað hjá öllum 

Spurður um þá hugmynd Sósíalista að borgin sjái líka um hirðu grenndarstöðva, sem nú eru í umsjá einkafyrirtækisins Terra, tók borgarstjóri ekki beinlínis afstöðu en svaraði:

„Það biluðu líka tæki hjá einkaaðilanum Terra. Við höfum tekið höndum saman við að vinna það líka upp og það er smám saman að ganga betur. Ég held að þessi tvö dæmi sýni að hvort sem þetta er eigin rekstur eða einkarekstur þá geta tæki bilað.“ 

Frétt af mbl.is

Grenndargámar borgarinnar stútfullir

Borgarstjóri er almennt kátur með hvernig gengur í innleiðingu nýja kerfisins.

„Fólk hefur tekið því vel og sumir hafa sagt „mikið var, löngu tímabært að byrja að flokka lífrænt frá öðru sorpi.“ Við erum einfaldlega að sigla inn í nýja tíma með aukinni áherslu á flokkun og umhverfisvernd. Ég held að þegar þessir byrjunarörðugleikar eru frá þá verðum við öll stolt af niðurstöðunni.“

Frétt af mbl.is

„Púsl sem hefur vantað inn á húsnæðismarkaðinn“

Tengdar fréttir

Sorphirða

Lokahnykkurinn að fullri starfsemi GAJU

• Sorpu heimilt að semja við Stena
• Ekki ljóst hvað tekur við þegar lokað verður á Dalvegi
• Losun á pappír og plasti einni viku á eftir áætlun
• „Íbúar eru eðlilega argir yfir þessu“

» Fleiri tengdar fréttir

• 1 blogg um fréttina

Bloggað um fréttina

• Birgir Örn Guðjónsson: Eitthvað annað en hann.