Landsbankinn opnaði í dag útibú sitt í nýjum höfuðstöðvum bankans í Reykjastræti í miðbæ Reykjavíkur. Tekur útibúið við af útibúi bankans sem var í Austurstræti í gömlu höfuðstöðvum bankans. Samhliða þessu lokar Vesturbæjarútibú bankans í húsnæði Háskólabíós, en þar verða eftir sem áður hraðbankar.

Í tilkynningu á vef bankans kemur fram að takmörkuð þjónusta verði áfram í boði í Austurstræti fram í næstu viku, eða til 22. september, þegar gamla aðalútibúið lokar að fullu. Þar er nú myndlistarsýningin Hringrás – innsýn í listasafn Landsbankans sem er aðgengileg almenningi á milli 10 og 16 á virkum dögum.

Nýja útibú bankans í Reykjarstræti 6 verður opið á milli 10 og 16 og verður þar hægt að fá þjónustu gjaldkera, auk þess sem hraðbankar og önnur sjálfsafgreiðslutæki eru aðgengileg allan sólarhringinn.

Tekið er fram í tilkynningu að aðgengi að útibúinu muni batna þegar framkvæmdum á lóð og í bílakjallara muni ljúka síðar í haust.

Tengdar fréttir

Landsbankinn byggir höfuðstöðvar

Skjálfti af stærðinni 3,3 reið yfir

• Ræstitækni fær sjálfbærnimerki Landsbankans
• Vilja enn höfuðstöðvar á Austurhöfn
• Höfnuðu tillögu sjálfstæðismanna
• Gefur lítið fyrir svör Landsbankans

» Fleiri tengdar fréttir

• Blogga um frétt