Sala á hitablásurum og olíufylltum rafmagnsofnum hefur stóraukist í Reykjanesbæ síðustu daga. Fyrir helgi seldust þessar vörur upp í verslun Byko og Húsasmiðjan sankar nú að sér meiri birgðum vegna aukinnar eftirspurnar.

Það er því ljóst að fólk er að gera ráðstafanir vegna þess eld­goss sem vofa þykir yfir í grennd við virkj­un­ina í Svartsengi sem gæti stefnt hita­veitu í hættu.

Virkjunin í Svartsengi skaffar um 31 þúsund manns heitu vatni á Suðurnesjum.

Svartsengi sveipað rökkurhúmi. Undir niðri krauma kraftar og ógna þeirri virkjun sem annars nýtir þá. mbl.is/Eggert Jóhannesson

Segir fólk vilja hafa vaðið fyrir neðan sig

Gunnur Magnúsdóttir, verslunarstjóri Byko í Reykjanesbæ, segir í samtali við mbl.is að olíufylltir rafmagnsofnar og hitablásarar hafi selst upp fyrir helgi í verslun Byko í Reykjanesbæ vegna aukinnar eftirspurnar.

„Við erum komin með nýja sendingu sem var að berast í hús,“ segir hún um olífylltu rafmagnsofnanna og hitablásarana. Bætir hún því við að gashitarar fari einnig fljótlega að koma í verslunina.

„Fólki finnst auðvitað smá óraunverulegt að vera tala um að þetta geti gerst, en fólk vill frekar hafa vaðið fyrir neðan sig,“ segir Gunnur.

Frétt af mbl.is

Hvetur fólk til að gera ráðstafanir

Tóku eftir stökki í sölu hitunartækja á föstudag

Gísli Hlynur Jóhanns, rekstrarstjóri Húsasmiðjunnar í Reykjanesbæ, segir í samtali við mbl.is að sala á hitunartækjum hafi byrjað að aukast verulega á föstudaginn.

„Við erum að selja olíufyllta rafmagnsofna og hitablásara – Það er alveg roksala á þessu,“ segir Gísli.

Hann segir að verslunin sé búin að sanka að sér aukabirgðum til að halda í við eftirspurn.

Frétt af mbl.is

Hvernig má búa heimilið undir eldgos

Tengdar fréttir

Eldvirkni á Reykjanesskaga

Áfram stöðug virkni en gosórói fer hægt lækkandi

• Bandaríkjamenn fylgjast með Íslandi nótt sem dag
• Skoða „strætóferðir“ á vinnuvegi til að opna lónið
• Líklega löng bið eftir síðasta gosinu
• Hraunflæðið að mestu til suðausturs

» Fleiri tengdar fréttir

• Blogga um frétt