Utanbæjarmenn liggja undir grun
Setja bókamerki
Lögregluna á Vestfjörðum grunar að utanbæjarmaður eða -menn hafi stolið GPS-höttum af gröfum í bænum um þar síðustu helgi. Hattarnir eru margra milljóna virði.
„Það er eitthvað sem okkur grunar, að það séu utanbæjarmenn en við getum ekki staðfest það,” segir Þórir Guðmundsson rannsóknarlögreglumaður spurður út í málið.
Elvar Sigurgeirsson, vinnuvélaverktaki í Bolungarvík, sagðist í samtali við mbl.is á föstudaginn telja að „einhverjir utanbæjarplebbar” hefðu framið verknaðinn.
Að sögn Þóris hefur enginn verið handtekinn vegna málsins. „Við höfum okkar grunsemdir, sem við erum skoða. Við vonum að þetta fari að skýrast.”
Lögreglan óskaði eftir ábendingum vegna málsins og segir Þórir lögregluna hafa fengið fleiri ábendingar síðan mbl.is ræddi við hann á föstudaginn. Þær hafa þó ekki skipt sköpum í rannsókninni.
Spurður út í þýfið segir hann lögregluna ekki hafa vitneskju um að reynt hafi verið að selja GPS-hattana hérlendis, enda erfitt þar sem hattarnir séu skráðir. „Þetta getur aldrei farið í umferð á Íslandi,” segir hann.
Ísland orðið of dýrt
Lögregla handtók mann sem reyndist eftirlýstur
Skipulagði aðgerðir fyrir Ólympíuleikana
„Björguðu lífi þessa fólks“
Segir PISA-niðurstöðurnar endurspegla menntakerfið
Stafræna byltingin étur börnin sín
Hyggst skoða lög um nafnabreytingar