„Þeir slitnuðu í átökum“
Setja bókamerki
Starfsmenn HS Veitna hafa undanfarið verið að störfum í Grindavík við að gera við rafmagnsstrengi og hitaveitulagnir sem fóru í sundur í jarðhræringunum í bænum.
Þeir Sigurður Sigmundsson og Sigurþór Sævarsson voru að gera við 36 kílóvolta rafmagnsstrengi sem liggja á milli aðveitustöðva þegar blaðamann og ljósmyndara bar að garði í gær.
„Þeir slitnuðu í átökum,“ segir Sigurþór og sýnir blaðamanni strengi sem höfðu brunnið og farið í sundur. „Þetta er föndur.“
Einn dag tekur að klára hvern enda á rafmagnsstrengjunum, sem eru þrír talsins. Félagar þeirra voru á sama tíma að gera við 11 þúsund volta streng sem hafði slitnað annars staðar í bænum.
Smeykir í einni holu
Aðspurðir segjast þeir ekki vera smeykir við að vera að störfum þrátt fyrir að hættustig almannavarna ríki í Grindavík.
Þeir nefna þó að annars staðar í bænum, skammt frá kirkjugarðinum, hafi þeir verið staddir ofan í þriggja metra djúpum skurði. Bílar keyrðu framhjá og við það hrundi úr kantinum niður í holuna. „Það er kannski eina skiptið sem manni hefur fundist maður vera í hættu.“
Sigurður og Sigurþór, sem búa báðir í Reykjanesbæ, búast við mikilli vinnu fram undan í bænum, þó að erfitt sé að fullyrða um það.
Rafmagnsstrengir geti tognað eða slitnað á næstunni eða jafnvel eftir einhver ár vegna jarðhræringanna.
Lagfærðu hitaveitulögn
Blaðamaður og ljósmyndari litu einnig við í Efstahrauni þar sem fleiri starfsmenn HS Veitna, þar á meðal Nikolai Sófus Berthelsen, voru að störfum við að lagfæra hitaveitulögn sem hafði farið í sundur.
Grafa sá um að moka frá til að hægt væri að komast að lögninni og gekk viðgerðin prýðilega.
Ísland orðið of dýrt
Dagbjört dæmd í 10 ára fangelsi fyrir líkamsárás
Segir PISA-niðurstöðurnar endurspegla menntakerfið
Segir afsökun Microsoft lélega
/frimg/1/50/63/1506351.jpg)
Halla fær rafbíl á sérdíl
Sláandi tölur kalla á djúpa greiningu
„Þú ert bara orðin miðaldra kona“