Vinna hafin við Grindavíkurgarðinn
Setja bókamerki
Mokstur er hafinn til byggingar varnargarðs norðan Grindavíkur. Vinnan hefst við austurenda garðsins en varnargarðurinn á í heild sinni að vera tveir kílómetrar að lengd. Fyrsti kaflinn er talinn munu taka um þrjár vikur í byggingu.
Þetta segir Ari Guðmundsson, verkfræðingur hjá Verkís, í samtali við mbl.is. Hann segir að framkvæmdaraðilar hafi fengið staðfestingu fyrr um að hefja megi vinnu á görðunum.
„Við byrjuðum á því að vinna með jarðýtur þarna í dag,“ segir Ari. Hann útskýrir að garðurinn verði 2 km að lengd og um „hálf hæð á endanlegum garði“, þ.e. um 4 metra á hæð að meðaltali en hæðin er mismunani eftir staðsetningu.
Vinnu ekki lokið við Svartsengisgarðinn
„Þetta fylgir þeim rennslisleiðum sem við höfum fengið út úr hraunherminum hjá okkur,“ segir hann. Aðspurður svarar hann að vinnan hafi hafist við austur enda varnargarðsins, þar sem hættan er talin mest.
Garðurinn er því svipaður hinum varnargarðinum við Svartsengi, en vinna við þann varnargarð er enn ekki lokið.
„Það er ýmis viðbótarverkefni. Það er sem sagt ennþá nokkur op þar sem vegir koma í gegn. Það tekur einhverjar vikur að vinna að útfærslu og lokunum á þeim,“ segir Ari.
„En varðandi Grindavíkurgarðinn erum við að horfa til þess að þessi fasi taki kannski þrjár vikur,“ bætir verkfræðingurinn við að lokum.
Sr. Guðrún nýr biskup
Grindavíkurbær fækkar starfsfólki
„Öðruvísi hefði nafnið ekki farið á samninginn“
Hættu við vopnasendingu til Ísraels
Kerfið streitist á móti
„Farnir að halda verðbólgunni uppi“