Tekið verður við hitablásurum sem íbúar á Reykjanesskaga fengu að láni, í kjölfar síðasta eldgoss, í næstu viku. Þetta kemur fram í tilkynningu frá lögreglunni á Suðurnesjum.

Um er að ræða hitablásara sem íbúarnir fengu að láni þegar heitavatnslaust varð á Suðurnesjum í kjölfar þess að Njarðvíkuræðin fór í sundur þegar gaus á Reykjanesskaga þann 8. febrúar. 

Frétt af mbl.is

Áhyggjuefni að íbúar hafi ekki heitt og kalt vatn

Þörfin lítil

Heitt vatn komst aftur á bæinn þann 12. febrúar og hafa íbúar síðan þá geta notað heitt vatn til að kynda húsin sín. Þörfin á hitablásurum er þannig jafn lítil og var áður en Njarðvíkuræðin fór í sundur og því kominn tími til að skila hitablásurunum. 

Tekið verður á móti þeim hitablásurum sem íbúar fengu að láni í Grófinni 12B í Reykjanesbæ á þriðjudag, miðvikudag og fimmtudag í næstu viku milli klukkan 17.00 og 20.00. 

• Þriðjudaginn 27. febrúar milli klukkan 17 og 20
• Miðvikudaginn 28. febrúar milli klukkan 17 og 20
• Fimmtudagur 29. febrúar milli klukkan 17 og 20

Frétt af mbl.is

Fagnaðaróp þegar heita vatnið kom á

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt