Á þriðja tug jarðskjálfta hafa mælst við Sundhnúkagígaröðina síðustu klukkustundina. Verulega hefur dregið úr krafti skjálftahrinunnar en til samanburðar mældust um 130 skjálftar á milli klukkan 16 og 17 í dag þegar hrinan stóð sem hæst.

Þetta segir Salóme Jórunn Bernharðsdóttir, náttúruvársérfræðingur hjá Veðurstofu Íslands.

Líkur á að eldgos komi upp í kvöld fara dvínandi og virðist atburðurinn, sem hófst um klukkan 16 í dag, vera að lognast út af. Honum er þó ekki lokið.

Frétt af mbl.is

Búið í bili á Reykjanesskaga

Bíða gagna frá GPS-mælum

Spurð út í stöðuna á landrisi, eða landsigi, í Svartsengi, segir Salóme enn of snemmt að segja til um stöðuna þar. GPS-gögn hafi ekki borist eftir kvikuhlaupið. Slíkar upplýsingar gætu sagt til um kvikumagnið sem fór úr kvikuhólfinu undir Svartsengi. 

Benedikt Gunnar Ófeigsson, fagstjóri aflögunarmælinga hjá Veðurstofu Íslands, sagði í samtali við Ríkisútvarpið að lítil aflögun hefði komið fram á mælum þegar kvikuhlaupið hófst sem gæfi til kynna að minna magn kviku hefði hlaupið heldur en í fyrri atburðum sem leiddu til eldgosa.

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Kunnugleg "sviðsmynd" frá Kröflu á sveimi við Grindavík.