Baldur með mesta fylgið
Setja bókamerki
Baldur Þórhallsson forsetaframbjóðandi hlýtur mest fylgi landsmanna ef marka má nýja netkönnun Prósents. Baldur er 22 prósentustigum á undan Höllu Tómasdóttur sem vermir annað sætið.
Könnunin, sem var framkvæmd frá 20. til 27. mars, er byggð á svörum 1.950 einstaklinga 18 ára og eldri.
Hátt hlutfall óákveðna
Þátttakendur í könnuninni voru spurðir hvaða frambjóðanda þeir myndu vilja sjá sem næsta forseta Íslands.
Flestir sögðust vilja sjá Baldur sem næsta forseta, eða 37%.
15% sögðust vilja sjá Höllu sem næsta forseta, 5% vildu sjá Arnar Þór Jónsson, 4% Ásdísi Rán Gunnarsdóttur, 2% Ástþór Magnússon Wium, 1% Agnieszka Sokolowska og 1% Sigríði Hrund Pétursdóttir.
Aðrir frambjóðendur hlutu samanlagt 2%.
Athygli vekur að 34% svarenda sögðust ekki vita hvaða frambjóðenda þeir myndu vilja sjá á Bessastöðum.
Baldur með meginþorra þeirra ákveðnu
Séu óákveðnir svarendur teknir úr menginu sögðust 56% þeirra ákveðnu vilja sjá Baldur sem næsta forseta og 23% vildu sjá Höllu Tómasdóttur í embættinu.
8% vildu sjá Arnar Þór á Bessastöðum, 5% Ásdísi Rán, 3% Ástþór Magnússon, 1% Agnieszka Sokolowska og 1% Sigríði Hrund.
Aðrir frambjóðendur hlutu 3%.
Aldurmengi Baldurs yngra en hjá Höllu
Sé tekið mið af aldri svarenda þá sækir Baldur mest sitt fylgi til 25-64 ára, en Halla Tómasdóttir er með mest fylgi hjá 45 ára og eldri.
Þá voru flestir þeirra óákveðnu á aldurbilinu 18-24 ára eða 55%.
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
/frimg/1/29/32/1293273.jpg)
Ekki af baki dottinn og ætlar að opna B5 aftur
Telur forsendur fyrir vaxtalækkun
Strand skemmtiferðaskips kallar á erlenda aðstoð
Mál hjúkrunarfræðingsins fer aftur fyrir héraðsdóm
Rothissa á vinnubrögðum forystu BÍ
Vonast til að tjaldbúðir við HÍ standi áfram