„Þetta er mjög mikið hagsmunamál sem taka ber alvarlega og það þarf að tryggja að neytendur séu varðir fyrir ósanngjörnum skilmálum,“ segir Bjarni Benediktsson forsætisráðherra spurður um niðurstöðu EFTA-dómstólsins um breytilega vexti.

„Þarna er verið að veita ákveðnar leiðbeiningar um túlkun Evrópureglnanna sem íslenskir dómstólar verða svo að taka sjálfstæða afstöðu til þannig það hefur ekki verið kveðinn upp neinn dómur í þessum málum,“ segir Bjarni að loknum ríkisstjórnarfundi í dag.

Frétt af mbl.is

Samningar ógagnsæir: Neytendur verða að skilja þá

Vilja sterka neytendavernd

„Við viljum að neytendavernd á Íslandi sé sterk og við tökum því alvarlega þegar við fáum ábendingar um að neytendasamtök telji að skilmálar geymi opin og í einhverjum tilvikum loðin ákvæði um heimildir til að endurskoða vaxtaákvæði samninga,“ segir Bjarni spurður hvort ríkisstjórnin kunni að bregðast við niðurstöðunni.

Frétt af mbl.is

Ríkið gæti hafa bakað sér skaðabótaskyldu

Hann bendir á að skilmálarnir séu ekki allir eins hjá öllum fjármálastofnunum og að málið sé enn til meðferðar hjá dómstólum.

„Við verðum að fá niðurstöðu þar áður en við förum að bregðast frekar við,“ segir Bjarni að lokum.  

Tengdar fréttir

Breytilegir vextir fyrir EFTA-dómi

Tugir bæst við málsókn gegn bönkunum

• Dómstólar forði ríkinu frá bótaskyldu
• Norðmenn uggandi vegna dóms í máli Íslands
• Lágmarkskrafa að skilmálar fjármálafyrirtækja séu skýrir
• Ördæmi um óréttlæti sem fylgi íslensku krónunni

» Fleiri tengdar fréttir

• Blogga um frétt