Svo gæti farið, að þó Trump sigri í kosningunum, endi hann með minna fylgi kjósenda en Hillary Clinton. Því veldur kjörmannakerfið margumrædda.

Kosningar til öldungadeildarinnar í Missouri eru vægast sagt tvísýnar. Og það er ansi merkilegt miðað við að núverandi öldungadeildarþingmaður fyrir hönd ríkisins er repúblikani og Trump hefur þegar farið með sigur af hólmi í ríkinu, með 23 prósetnustiga forskot, samkvæmt umfjöllun The Guardian.

En utanríkisráðherra ríkisins og fyrrverandi hermaðurinn Jason Kander, sem lét í loftið auglýsingu þar sem hann setti saman riffil með bundið fyrir augun, er að veita repúblikananum Roy Blunt harða keppni.

Í New Hampshire munar nú aðeins 99 atkvæðum á frambjóðendunum, samkvæmt tölum fréttastofu CNN.

Áttatíu prósent atkvæða hafa verið talin í ríkinu, og hefur hvort um sig stuðning rúmlega 270 þúsund kjósenda þar.

Hillary Clinton hefur sigrað kosningarnar í Nevada, með um 48,9% atkvæða gegn 45% atkvæða hjá Trump.

Þeir halda í öldungadeildarsæti sitt í Nevada, sem fráfarandi leiðtogi þeirra í öldungadeildinni, Harry Reid, hefur vermt lengi. Arftaki hans, Catherine Cortez Masto, þykir hafa unnið kosningarnar í ríkinu samkvæmt þeim atkvæðum sem þegar hafa verið talin.

Í tilraun sinni, til að taka völdin í öldungadeildinni á ný, hafa demókratar aðeins náð Illinois og Nevada, en mistekist að ná kjöri í Wisconsin, Indiana, Norður-Karólínu og Flórída. Enn er þá beðið eftir niðurstöðum í New Hampshire, Missouri og Pennsylvaníu, samkvæmt umfjöllun The Guardian.

Fyrrum forsetaframbjóðandinn Halla Tómasdóttir tjáir sig um stöðuna.