Flóðbylgjuviðvörun eftir snarpan skjálfta

ERLENT  | 5. mars | 9:40 
Jarðskjálfti upp á 6,9 stig skók Nýja-Sjáland skömmu fyrir klukkan hálf tvö aðfaranótt föstudags að staðartíma. Varað hefur verið við flóðbylgjum í kjölfar skjálftans.

Jarðskjálfti upp á 6,9 stig skók Nýja-Sjáland skömmu fyrir klukkan hálf tvö aðfaranótt föstudags að staðartíma. Varað hefur verið við flóðbylgjum í kjölfar skjálftans.

Bandaríska jarðskjálftamiðstöðin (USGS) sagði að upptök skjálftans hefðu verið um 180 kílómetra norðaustur af borginni Gisborne, þar sem skjálftinn fannst vel sem og í fleiri borgum landsins.

Varað er við flóðbylgjum á svæði í 300 kílómetra radíus frá upptökum skjálftans.

Fram kemur í nýsjálenskum fjölmiðlum að fólk sem búi við ströndina sé hvatt til að koma sér inn til landsins eins fljótt og auðið er.

 

 

 

Þættir