Myndavél í stað útskriftarferðar

FÓLKIÐ  | 3. maí | 13:30 
„Ég hef lengi haft áhuga á ljósmyndun, ég sleppti útskrifarferðinni minni í MR á sínum tíma og keypti mér myndavél í staðinn,“ segir Helga Hvanndal, landvörður og lífskúnstner, sem heldur uppi skemmtilegum Instagram-aðgangi með mögnuðum náttúrumyndum.

„Ég hef lengi haft áhuga á ljósmyndun, ég sleppti útskrifarferðinni minni í MR á sínum tíma og keypti mér myndavél í staðinn,“ segir Helga Hvanndal, landvörður og lífskúnstner, sem heldur uppi  skemmtilegum Instagram-aðgangi með mögnuðum náttúrumyndum. Helga hefur starfað sem landvörður á afskekktum stöðum á borð við Dyrhólaey og Öskju þar sem hún hefur myndað mikið.

 

„Það eru mikil forréttindi oft að dvelja svona lengi á svæði langt frá byggð í auðninni. Þá byrjarðu að taka eftir hlutum sem þú tekur ekki eftir í einni heimsókn. Þú sérð contrasta og hvaða áhrif mismunandi veðurfar og birtuskilyrði hafa á umhverfið, það getur breytt dýnamíkinni mjög mikið. Margir af þessum stöðum eru eitthvað sem fólk hefur ekki hugmynd um að sé að finna á Íslandi en það er náttúrulega svo mikið af náttúruperlum hér,“ segir Helga sem er viðmælandi Dóru Júlíu í Dagmálum.

Hér að ofan má sjá brot úr viðtal­inu en Dag­mál eru aðgengi­leg áskrif­end­um Morg­un­blaðsins hér. Einnig er hægt að kaupa vikupassa hér.

Þættir