Hjalti Þór Vilhjálmsson var bara nokkuð brattur þrátt fyrir fyrsta tap Keflvíkinga í Dominos-deild karla í kvöld gegn KR.
Hjalti sagði leikinn hafa verið frábæra skemmtun og þar er blaðamaður honum hjartanlega sammála.
Hjalti sagði að þrátt fyrir að Keflavík væri á toppnum ættu þeir eftir að sanna helling og í raun að liðið eigi helling inni til að verða betri. Leikinn sagði hann einfaldlega hafa verið stál í stál og eitthvað varð undan að láta. Ekkert eitt atriði hafi verið vendipunktur enn nefndi þó að sóknarvilla á Dominykas Milka hafi verið dýrkeypt eftir á að hyggja.
Heilt yfir fannst Hjalta leikurinn fínn en var ósáttur með hvað liðið kom flatt inn í seinni hálfleik og að eftir frábæran fyrri hálfleik hjá umræddum Milka hafi leikur þeirra orðið einhæfur.
