Fuglum með smáan heila hættara við slysum

Í heiminum eru um 300 milljarðar fugla.
Í heiminum eru um 300 milljarðar fugla. AFP

Hver er munurinn á fuglum sem verða fyrir bílum og þeim sem verða það ekki?

Svarið er að þeir sem verða fyrir bíl hafa smærri heila. Þetta er niðurstaða rannsóknar sem gerð var á 3.521 fuglshræi.

Vísindamennirnir segja að þessa skýringu tengjast hlutfalli heilaefnis og líkamsþyngdar. Niðurstöður rannsóknarinnar voru birtar í vísindatímaritinu  Royal Society Open Science.

Krákur hafa til dæmis hlutfallslega stóran heila miðað við líkamsstærð og hafa ótrúlega hæfni í því að forðast árekstra við bíla. Fyrri rannsóknir á hegðun þeirra hafa sýnt að krákur geta flúið undan bíldekkjum á hárréttu augnabliki á elleftu stundu. 

„Ég veit ekki hvort við getum sagt að þær séu gáfaðri en þær sína hegðun sem gerir þær líklegri til að komast af,“ segir aðalhöfundur rannsóknarinnar, Anders Pape Moller.

Dúfur hins vegar eiga erfiðara með að forðast árekstra. Þær hafa líka örsmáan heila. 

Það sem kemur þó meira á óvart er að heilastærðin skiptir líka máli meðal fugla sömu tegundar. 

Starrar og svartþrestir eru til dæmis misjafnlega hæfir til að forða sér frá hættu. Sé heili þeirra smærri en gengur og gerist hjá tegundinni virðast þeir vera líklegri til að verða fyrir bíl og drepast. Önnur líffæri þessara fugla eru þó sambærilega stór og annarra af tegundinni.

Vísindamennirnir skoðuðu fugla af 251 tegund.

 Talið er að um 200 milljónir fugla drepist í árekstrum við bíla á ári hverju í Bandaríkjunum. Dánartíðnin af þessum sökum er lægri í Evrópu. 

Hins vegar er þetta aðeins lítið brot af fuglum heimsins, þeir eru líklega um 300 milljarðar. 

Önnur dánarorsök er þó algengari. Talið er að um 2,4 milljarðar fugla verði köttum að bráð í Bandaríkjunum ár hvert. 

mbl.is
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Egat Diva - Snyrti-Nuddbekkur,Rafmagns fyrir Snyrti,Fótaaðgerða,spa....
Egat Diva - Rafmagns snyrti-/nuddbekkur, Vatnshelt áklæði, svartir og beige ...
LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta/lúgu stigar, 68x85 og 55x113, smíðum líka eftir máli. Álst...
 
Hádegisfundur
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Opin vinnustofa kl. 9, jóg...
Aðalfundur
Fundir - mannfagnaðir
Félag sjálfstæðismanna Smáíbúða-...
Framhald suðurland
Nauðungarsala
Uppboð Einnig birt á www.naudungarsolu...