Flottur gangur í Sæmundará

Jón Ásgeir Gestsson með 90 cm hrygnu sem hann veiddi …
Jón Ásgeir Gestsson með 90 cm hrygnu sem hann veiddi úr Sæmundará í gær á rauða Snældu nr.12. Ljósmynd/Aðsend

Að sögn Jóhanns Vals Stefnissonar sem er einn af leigutökum af Sæmundará í Skagafirði þá kom mikill kippur þar í veiðina í kjölfar á mikilli rigningartíð síðustu daga.

Jóhann sagði í samtali að menn hafi verið setja í mikið af stórfiski síðustu daga og hafi margir þeirra sloppið eftir langa baráttu.  Kvaðst Jóhann sjálfur hafa sett í einn slíkan dreka í Neðri-Varmalandshyl og stóð sú barátta í rúman klukkutíma og endaði með að sá stóri hann sleit tauminn.

Arnar svipađur bardagi var í svokölluðum Melshyl og var þar gríðarlegur risi á ferðinni sem stökk eftir mikla baráttu og fékk veiðikonan sem hélt á stönginni báða krókana upprétta til baka. Var kíkt ofan í hylinn að lokum og sáu menn 50 til 60 laxa liggja þar í hnapp.

Jón sagði að sennilega væru um 100 laxar komnir á land en veiðin hefði farið rólega af stað vegna vatnsleysis.  Núna hefur vatnsmagnið sennilega tífaldast og fiskur að hellast inn í ána og hafa menn orðið varir við talsvert af lúsugum smálaxi. 

Veitt er á tvær til þrjár stangir í Sæmundará og er veiðisvæðið um 17 kílómetrar, en 302 laxar veiddust í ánni sumarið 2018.

Að sögn Jóhanns hefur mikið ræktunarstarf verið unnið í rúma tvo áratugi en þá var orðin sáralítil veiði í ánni vegna ofveiði.  Er áin fiskgeng að Gýgjarfossi, en þar fyrir ofan er langt svæði þar sem botngerð er talin henta ágætlega sem búsvæði fyrir laxaseiði. Því hefur síðastliðin ár á hverjum hausti verið sleppt nokkrum tugum para af löxum til nýtingar á þessum svæðum í samstarfi við fiskifræðinga í Háskólanum á Hólum. Er sérstök girðing strengd yfir ána fyrir ofan fossinn til að koma í veg fyrir að laxarnir leiti aftur niður ána, en ekki er talið að Gýgjarfoss valdi afföllum á niðurgönguseiðum. 

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
105 cm Blanda Nigel Hawkins 8. júlí 8.7.
104 cm Svalbarðsá Viggó Júlíusson 6. júlí 6.7.
104 cm Nesveiðar Hugo 29. júní 29.6.
104 cm Nesveiðar Aron Pálmarsson 27. júní 27.6.
107 cm Nesveiðar Hilmar Hafsteinsson 25. júní 25.6.
101,5 cm Laxá í Kjós Guðjón Þ. Guðjónsson 23. júní 23.6.
101 cm Blanda Pétur Pálsson 21. júní 21.6.

Skoða meira