„Minnti á gamla tíma í Ásunum“

Sturla Birgisson með einn af síðustu löxum sumarsins úr Langhyl. …
Sturla Birgisson með einn af síðustu löxum sumarsins úr Langhyl. Hrygna 84 sentímetrar. Hann segir sumarið hafa endað með hvelli. Ljósmynd/Aðsend

Veiði lauk í Laxá á Ásum á hádegi í dag. Það er óhætt að segja að veiðinni hafi lokið með stæl. Miklir vatnavextir eru nyrðra eins og víða á landinu og var Laxá orðin nánast óveiðanleg fyrir neðan veiðistaðinn Tuma.

Veiðimenn sem voru að veiða voru að hugsa um að skella sér í bæinn í gær en Sturla staðarhaldari hvatti þá til að taka morgunvaktina. Hann sagði við þá: „Þið farið upp í Langhyl og hann er allur við bílastæðið.“ Þeir létu til leiðast og lentu í bingói eins og þegar Ásarnir voru upp á sitt besta á árum áður. „Þeir lönduðu þrjátíu löxum og höfðu ekki tölu á hversu marga þeir misstu eða settu í og fengu tog. Þetta var allt í Langhyl og einmitt við bílastæðið. Það var ótrúlegt magn af fiski á brotinu,“ sagði Sturla Birgisson í samtali við Sporðaköst keyrandi suður að lokinni sumarvertíðinni 2019.

Ingi Fróði og Þórir við Langhyl. Þeir lönduðu þrjátíu löxum …
Ingi Fróði og Þórir við Langhyl. Þeir lönduðu þrjátíu löxum í morgun úr Langhyl. Ljósmynd/SB

Stulli var sjálfur að veiða í morgun og fékk hann átta og þriðja stöngin landaði sex. „Síðustu fjórir daga hafa verið ótrúlega flottir og búið að landa yfir sextíu löxum á þeim tíma. Þetta minnti á gamla tíma í Ásunum.“

Með þessu er ljóst að Ásarnir fara yfir átta hundruð fiska og fátt sem mun breyta því að hún verði sjötta aflahæsta áin á landinu þetta sumarið og líkast til með mestu veiði per stöng. En þeir útreikningar bíða betri tíma.

Laxá var bólgin eftir miklar rigningar.
Laxá var bólgin eftir miklar rigningar. Ljósmynd/SB

Tveir laxar veiddust í Ásunum í sumar sem voru yfir hundrað sentímetrar. Annar í Svartabakka efri og var það um miðjan ágúst. Hinn veiddist í þessum mánuði í Langhyl.

„Já, nú er búið að loka og ég á suðurleið,“ sagði Stulli að lokum og langri törn fyrir norðan lokið.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Víðidalsá Stefán Elí Stefánsson 4. september 4.9.
101 cm Laxá í Dölum Hafþór Jónsson 27. ágúst 27.8.
102 cm Haukadalsá Ármann Andri Einarsson 23. ágúst 23.8.
103 cm Laxá í Aðaldal Birgir Ellert Birgisson 12. ágúst 12.8.
103 cm Miðsvæði Laxá í Aðaldal Máni Freyr Helgason 11. ágúst 11.8.
101 cm Laxá í Aðaldal Agnar Jón Ágústsson 10. ágúst 10.8.
101 cm Laxá í Aðaldal Richard Jewell 9. ágúst 9.8.

Skoða meira

Fleira áhugavert
Fleira áhugavert