Um leið og hlýnaði fór hann að taka

Birkir Björnsson með fallegan birting úr Varmá. Heiðskírt er og …
Birkir Björnsson með fallegan birting úr Varmá. Heiðskírt er og sólin hrekur burt frostið stóran hluta dags. Ljósmynd/SSÓ

Þeir félagar Steingrímur Sævarr Ólafsson og Birkir Björnsson hófu veiðar í Varmá í morgun. Neðsti hluti árinnar var þá frosinn og nokkurt ísrek ofar. Eftir nokkur köst fraus í lykkjum. „Ég var í fimm lögum af flíkum að ofan til að byrja með,“ sagði Steingrímur í samtali við Sporðaköst nú síðdegis.

Upp úr klukkan ellefu í morgun var farið að hlýna verulega og hætti að frjósa í lykkjum og ísrekið hætti, en þó nokkur snjór er á svæðinu. „Við erum komnir niður í þrjú lög og fiskur er farinn að hreyfa sig,“ upplýsti Steingrímur. Þeir félagar voru búnir að setja í fjóra fiska og landa tveimur, en missa tvo.

Birtingurinn var bæði að taka straumflugur og púpur. Gulur Nobbler gaf fisk og einnig Pheasant Tail. Birkir landaði 55 sentimetra birtingi og þeir höfðu séð töluvert af fiski.

Svo er mikikilvægt að slaka og njóta inn á milli.
Svo er mikikilvægt að slaka og njóta inn á milli. Ljósmynd/SSÓ

„Þetta er sennilega besti dagurinn veðurlega séð í langan tíma, en greinilegt að frostið hefur verið mikið hér í nótt þar sem Varmáin var frosin neðst.“ Það þarf nokkuð til þar sem Varmá er alla jafna frekar hlý eða um átta gráður.

Þeir félagarnir hugsuðu sér gott til glóðarinnar þar sem komið var „þriggja laga veður“ og fiskurinn farinn að taka.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert