Loksins kom lax á land í Ytri-Rangá

Fyrsti laxinn úr Ytri. 65 semtímetra smálax og það veit …
Fyrsti laxinn úr Ytri. 65 semtímetra smálax og það veit á gott að fleiri smálaxar sáust neðan við Ægisíðufoss, sem er í baksýn. Ljósmynd/JH

Fyrsta laxi sumarsins í Ytri-Rangá var landað í morgun. Nokkuð er búið að vera um missta stórlaxa síðustu daga, bæði á Rangárflúðum og í Ægisíðufossi. Fyrsti landaði laxinn veiddist neðan við Ægisíðufoss og var þar að verki veiðimaður frá Bandaríkjunum.

Fyrsti laxinn að þessu sinni var smálax, 65 sentímetrar, og féll hann fyrir bleikum Sunray. Sami veiðimaður hafði áður slitið úr stórlaxi sem kunnugir sögðu vera í 90 plús-flokknum. Leiðsögumaður Arons hins bandaríska var Jakob Hinriksson og sá hann fleiri smálaxa í Ægisíðufossi. Þannig að smálaxinn er byrjaður að sýna sig í Ytri. Það veit á gott.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Selá í Vopnafirði Erlendur veiðimaður 14. júlí 14.7.
102 cm Laxá í Aðaldal Páll Ágúst Ólafsson 13. júlí 13.7.
104 cm Laxá í Aðaldal Aðalsteinn Jóhannsson 8. júlí 8.7.
100 cm Hólsá, Eystri-bakki Ben Sangster 6. júlí 6.7.
100 cm Blanda Neil Boyd 6. júlí 6.7.
100 cm Hólsá, Eystri-bakki Gijs K. Sipestein 6. júlí 6.7.
102 cm Jökla Nils Folmer Jörgensen 4. júlí 4.7.

Skoða meira