Laxinn er að ganga nýjan farveg Hítarár

Dýri Kristjánsson með nýrunninn smálax úr Breiðinni í Hítará.
Dýri Kristjánsson með nýrunninn smálax úr Breiðinni í Hítará. Ljósmynd/Hítará

Sautján laxar voru gengnir í gegnum teljarann í Hítará í gær. Hann er staðsettur neðst við skriðuna miklu, sem féll fyrir þremur árum í Hítardal og gerbreytti árfarvegi árinnar. Skriðan féll 7. júlí 2018.

Margir óttuðust um framtíð laxveiði í Hítará eftir hamfarirnar og hafa staðið deilur um hvort grafa eigi í gegnum skriðuna eða láta nýja farveginn halda sér. 

Leigutaki Hítarár, Orri Dór, hafði samband við Sporðaköst og sagði að í vor hefði teljara verið komið fyrir neðst við skriðuna miklu til að sjá hversu mikið af laxi gengi nýja farveginn. „Sautján eru farnir í gegn núna, og upp fyrir skriðuna í nýjum farvegi,“ sagði Orri Dór í samtali við Sporðaköst í gærkvöldi.

En hver er gangurinn í veiðinni?

„Það er góður gangur á neðri svæðunum. Áin er að detta í fimmtíu laxa og við erum bara nokkuð sátt. Góðu fréttirnar eru að lax veiddist nýlega ofarlega í Grjótá, hliðará Hítarár,“ sagði Orri Dór.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Selá í Vopnafirði Erlendur veiðimaður 14. júlí 14.7.
102 cm Laxá í Aðaldal Páll Ágúst Ólafsson 13. júlí 13.7.
104 cm Laxá í Aðaldal Aðalsteinn Jóhannsson 8. júlí 8.7.
100 cm Hólsá, Eystri-bakki Ben Sangster 6. júlí 6.7.
100 cm Blanda Neil Boyd 6. júlí 6.7.
100 cm Hólsá, Eystri-bakki Gijs K. Sipestein 6. júlí 6.7.
102 cm Jökla Nils Folmer Jörgensen 4. júlí 4.7.

Skoða meira