Aðstæður breyttust hratt og mikið í Tungufljóti í gær og í dag. Tveggja daga holl sem lauk veiðum á hádegi landaði samtals 24 fiskum og nánast allt af því var birtingur. Árni Kristinn Skúlason var einn af þeim sem var i hollinu og hann sagði flesta fiskana hafa veiðst undir Bjarnafossi, sem er efsti veiðistaðurinn í Tungufljóti.
„Við fórum víða og það var bara mikið af fiski. Svo fór að rigna hressilega og óx í ánni. Þá fór Bjarnafoss að gefa. Það var líka mikið af fiski í Syðri-Hólma,“ sagði Árni í samtali við Sporðaköst. Sjóbirtingurinn var vel haldinn og sá stærsti sem þeir lönduðu mældist 83 sentímetrar.
Þeir félagar voru mest að taka birtinginn á púpur enda fáir þeim fremri í púpufræðum. Við vorum með frétt í morgun einmitt um Tungufljót þar sem talað var um rólega veiði og Kristján Páll Rafnsson sagði ljóst að mikið af fiski væri niðri við Syðri-Hólma og biði rigningar og þess að áin myndi vaxa. Þetta gekk eftir og þeir nutu góðs af veðrabreytingunni Árni og félagar.
Fram til þessa hefur sjóbirtingsveiðin fyrir austan verið róleg og allir, bæði veiðimenn og fiskar hafa beðið eftir úrkomu og hækkandi vatnsstöðu. Þessi mikla þurrkatíð virðist nú loks á enda.
Lengd á laxi | Veiðisvæði | Veiðimaður | Dagsetning Dags. |
---|---|---|---|
100 cm | Mýrarkvísl | Tim Racie | 23. júlí 23.7. |
102 cm | Víðidalsá | Ragnheiður Þengilsdóttir | 14. júlí 14.7. |
106 cm | Laxá í Aðaldal | Kristrún Ólöf Sigurðardóttir | 8. júlí 8.7. |
100 cm | Blanda | Patrick Devennie | 20. júní 20.6. |
100 cm | Kjarrá | Sigurður Smári Gylfason | 19. júní 19.6. |
Veiðiárið 2023: | |||
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |