Iceland Outfitters er að taka við Ytri-Rangá og sjá um rekstur þar næsta sumar. Harpa Hlín Þórðardóttir og maður hennar Stefán Sigurðsson eiga fyrirtækið og fram til þessa hefur það verið lítið fyrirtæki á markaðnum. Nú er þetta litla fyrirtæki að verða stórt og er komið með eitt stærsta veiðisvæði landsins í laxi í umboðssölu.
Harpa reiknar með að verðið á leyfunum í Ytri-Rangá muni hækka um tíu prósent næsta sumar. Við gerðum upp veiðisumarið með Hörpu og eins allir vita var það ákveðin vonbrigði.
Hún er skrifuð fyrir heimsmeti í „Happy hour“ þó að hún vilji ekki eigna sér þann heiður ein og sér.
Í viðtalinu við Hörpu förum við vítt og breitt og ræðum um Þjórsá og þá möguleika sem þar er að finna. Við ræðum Leirá, þá litlu á sem áður geymdi fáa og smá fiska en er nú híbýli stórra sjóbirtinga. Þar hefur sleppiskylda á fiski skilað frábærum árangri.
Lengd á laxi | Veiðisvæði | Veiðimaður | Dagsetning Dags. |
---|---|---|---|
102 cm | Hvítá við Iðu | Ársæll Þór Bjarnason | 19. september 19.9. |
101 cm | Víðidalsá | Stefán Elí Stefánsson | 4. september 4.9. |
101 cm | Laxá í Dölum | Hafþór Jónsson | 27. ágúst 27.8. |
102 cm | Haukadalsá | Ármann Andri Einarsson | 23. ágúst 23.8. |
103 cm | Laxá í Aðaldal | Birgir Ellert Birgisson | 12. ágúst 12.8. |
103 cm | Miðsvæði Laxá í Aðaldal | Máni Freyr Helgason | 11. ágúst 11.8. |
101 cm | Laxá í Aðaldal | Agnar Jón Ágústsson | 10. ágúst 10.8. |