Fyrstu laxarnir mættir í Kjósina

Agnar Þór Guðmundsson með fyrsta laxinn úr Laxá í Kjós …
Agnar Þór Guðmundsson með fyrsta laxinn úr Laxá í Kjós 2020. Laxinn tók SunRay á Fossbreiðunni. Ljósmynd/Aðsend

Fyrstu laxarnir sáust í Laxá í Kjós skömmu eftir kvöldmat í kvöld. Það var Sigurberg Guðbrandsson leiðsögumaður sem sá þá og staðfesti við Sporðaköst að hann hefði séð tvo nýrunna fiska. á bilinu átta til tíu pund. 

„Þeir lágu utan í grjóti neðarlega í Laxfossi að sunnanverðu,“ sagði Sigurberg. Hann sendi mynd til staðfestingar og þar sjást báðir fiskarnir. Við birtum hér skjáskot af Laxfossi að sunnan og þar sést annar þeirra greinilega, þar sem rauði hringurinn er. Nokkur snjóbráð er í Kjósinni og aðeins litur, þannig að erfitt er að greina laxinn.

Sigurberg sendi okkur myndband sem hann tók upp á síma og þar staðfestist að laxinn er mættur. 

Þetta er hefðbundinn tími þar sem fyrstu laxarnir sjást, en Haraldur Eiríksson leigutaki sagði í samtali við Sporðaköst fyrr í mánuðinum að búast mætti við þeim fyrstu 23. til 24. maí.

Fyrstu laxarnir sjást oftast í Kvíslarfossi eða í Laxfossi eins og nú er raunin. Veiðimenn geta nú andað léttar. Hann er mættur. (Staðfest.)

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Laxá í Dölum Stefán Sigurðsson 24. júní 24.6.
102 cm Laxá í Aðaldal Dagur Ólafsson 24. júní 24.6.
104 cm Þverá Snorri Arnar Viðarsson 15. júní 15.6.
105 cm Laxá í Leirársveit Pétur Óðinsson 13. júní 13.6.
Veiðiárið 2021:
100 cm Fossá Guðbjörn Gunnarsson 1. október 1.10.
101 cm Víðidalsá Nils Folmer Jörgensen 26. september 26.9.
104 cm Laxá í Dölum Sigurður Smárason 25. september 25.9.

Skoða meira