Fyrsti lax úr Mýrarkvísl snemma á ferð

Brian með fyrsta lax sumarsins úr Mýrarkvísl. 85 sentímetra hængur. …
Brian með fyrsta lax sumarsins úr Mýrarkvísl. 85 sentímetra hængur. Þetta er mjög snemmt en þó ekki einsdæmi í kvíslinni. Ljósmynd/Daniel Montecinos
Fyrsti laxinn í Mýrarkvísl veiddist í morgun. Það var bandaríski veiðimaðurinn Brian Moore sem setti í fiskinn og landaði honum með dyggri aðstoð leiðsögumannsins Daniel Montecinos. Þessi íturvaxni hængur veiddist í Grófarpolli sem er veiðistaður númer níu í Kvíslinni.
Óhætt er að segja að Brian og Daniel hafi ekki beinlínis átt von á laxi enda var flugan sem kastað var andstreymis í Grófarpoll, Pheasant Tail númer sextán.
Þetta var alvöru slagur enda tók hængurinn púpu númer 16.
Þetta var alvöru slagur enda tók hængurinn púpu númer 16. Ljósmynd/Daniel Montecinos
Matthías Þór Hákonarson, leigutak sagði þetta mjög snemmt fyrir fyrsta laxinn. „Yfirleitt sjáum við ekki fyrsta laxinn í kvíslinni fyrr en um miðjan júní og þá er það yfirleitt hrygna en við höfum samt nokkrum sinnum áður séð laxa svona snemma,“ sagði Matthías Þór í samtali við Sporðaköst.
Hann sagði laxinn hafa verið þykkan og í góðum holdum. Sérstaka athygli vakti að um tveggja ára hæng var að ræða. Verður spennandi að fylgjast með framhaldinu á vatnasvæðinu öllu, en Mýrarkvísl sameinast Laxá í Aðaldal og ferðast þær saman síðasta spölinn til sjávar.
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Lagarfljót Jóhannes Sturlaugsson 2. október 2.10.
100 cm Stóra - Laxá Vigfús Björnsson 30. september 30.9.
102 cm Laxá í Aðaldal Aðalsteinn Jóhannsson 19. september 19.9.
103 cm Víðidalsá Rob Williams 17. september 17.9.
101 cm Stóra - Laxá Jim Ray 16. september 16.9.
102 cm Víðidalsá Svanur Gíslason 15. september 15.9.
101 cm Miðfjarðará Stebbi Lísu 14. september 14.9.

Skoða meira