Eyjafjarðará er ein besta silungsveiðiá landsins. Hvar á landinu og jafnvel í heiminum geta menn landað 72 sentímetra bleikju og 73 sentímetra sjóbirtingi í sömu vikunni? Þetta afrekaði Aron Sigurþórsson í Eyjafjarðará.
Hann veiddi efsta svæðið í Eyjafjarðará, svæði fimm, í gær og landaði sex bleikjum. Svona lítur serían út. 72, 65, 53, 50, 47 og 45 sentímetra bleikjur. Sú stærsta sem mældist 72 sentímetrar veiddist á Jökulbreiðu og tók þá sívinsælu flugu Squirmy wormy. 65 sentímetra bleikjan tók líka Squirmy. Þessar minni komu svo á Vinyl púpur og Pheasant tail. Hann fékk fiska í Bakkahyljum og Úlfarskrókum og missti tvo í Ármótum, þar sem Torfufellsáin kemur út í Eyjafjarðarána, en það er magnaður veiðistaður.
Eyjafjarðaráin er vatnsmikil en var ekki lituð. Aðeins var grámi í Torfufellsánni en það gerði þetta bara veiðilegra.
Síðastliðinn föstudag var Aron einnig á ferðinni í Eyjafjarðaránni og veiddi þá neðsta svæðið eða svæði núll. Við gömlu brúna við flugvöllinn setti hann svarta straumflugu undir og fljótlega setti hann í vænan fisk. Þetta reyndist 73 sentímetra langur sjóbirtingur sem var „spiiiiikaður“ eins og hann skrifaði í skilaboðun til Sporðakasta. Þetta var fyrsta heimsókn Arons á bæði þessi svæði en áður hafði hann aðeins veitt svæði þrjú. Hann sagðist jafnframt hafa þegið góð frá Benjamín Þorra Bergssyni sem þrátt fyrir ungan aldur er þaulkunnugur ánni.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |