Margir veiðimenn telja nú niður þar til veiðitímabilið í laxi hefst. Fyrstu köstin verða tekin í Þjórsá eins og síðari ár en veiði í Urriðafossi hefst 1. júní. Ólafur Vigfússon í Veiðihorninu er hóflega bjartsýnn fyrir sumarið og segir meðal annars ástæðuna fyrir því vera fjögur léleg laxveiðiár í baksýnisspeglinum.
Óli hittir marga veiðimenn í hverri viku og hann segir kvartanir vegna verðlags á veiðileyfum aldrei verið háværari. Hann hafi vissulega heyrt menn ræða þetta í áratugi en nú kveði við nýjan og ákveðnari tón.
Hann segist hafa heyrt i mörgum veiðimanninum sem hafi neyðst til að minnka við sig. Fækka veiðitúrum úr sex til átta í kannski fjóra. Menn velji betur þá túra sem þeir fara í.
Óli er gestur Sporðakastaspjallsins í dag og fyrir utan ofangreint þá ræðir hann þróun í sjóbirtings- og laxveiði. Loks veltir hann fyrir sér stóru spurningum sumarsins sem eru veður og koma hnúðlax en í ár er oddatöluár og þá mætir sá bleiki.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |