Sigurgeir Sigurðsson biskup fæddist 3.8. 1890 í Túnprýði á Eyrarbakka. Foreldrar hans voru Sigurður Eiríksson, regluboði Góðtemplarareglunnar, orgelleikari og dbrm, fyrst á Eyrarbakka og síðar í Reykjavík, og k.h., Svanhildur Sigurðardóttir húsfreyja.

Sigurgeir Sigurðsson biskup fæddist 3.8. 1890 í Túnprýði á Eyrarbakka. Foreldrar hans voru Sigurður Eiríksson, regluboði Góðtemplarareglunnar, orgelleikari og dbrm, fyrst á Eyrarbakka og síðar í Reykjavík, og k.h., Svanhildur Sigurðardóttir húsfreyja.

Sigurður var sonur Eiríks, b. á Ólafsvöllum á Skeiðum Eiríkssonar, dbrm. á Skeiðum, bróður Katrínar, ömmu Árna Þórarinssonar, prests á Snæfellsnesi, hvers ævisögu Þórbergur Þórðarson skráði á sínum tíma. Katrín var auk þess langamma Ásmundar Guðmundssonar biskups. Eiríkur var sonur Eiríks, ættföður Skeiðaættar Vigfússonar. Móðir Sigurðar var Guðlaug Sigurðardóttir húsfreyja.

Svanhildur var dóttir Sigurðar Teitssonar, hafnsögumanns í Neistakoti og í Mundakoti á Eyrarbakka, og Ólafar Jónsdóttur húsfreyju.

Sigurgeir varð stúdent í Reykjavík 1913 og lauk guðfræðiprófi við Háskóla Íslands 1917. Hann fór í námsför til Danmerkur og Þýskalands árið 1928 og dvaldi við nám

í Danmörku og Englandi (London, Cambridge og Oxford) veturinn 1937-38.

Sigurgeir var aðstoðarprestur séra Magnúsar Jónssonar á Ísafirði frá 1917 og var vígður þá um haustið. Árið 1918 var honum veittur Ísafjörður. Hann var skipaður prófastur í Norður-Ísafjarðarprófastsdæmi árið 1927.

Sigurgeir var skipaður biskup yfir Íslandi þann 1938 frá ársbyrjun 1939 og var vígður til biskups 25. júní 1939.

Sigurgeir ferðaðist mikið og var fulltrúi Íslands á fjölmörgum fundum og þingum víða um heim. Hann hlaut einnig margvíslegar viðurkenningar fyrir störf sín

Kona Sigurðar var Guðrún Pétursdóttir frá Hrólfsskála á Seltjarnarnesi, en meðal barna þeirra var herra Pétur Sigurgeirsson biskup Íslands, faðir dr. Péturs prófessors.

Sigurgeir lést 13.10. 1953.