HREINDÝRIÐ Kólga kom á óvart þegar hún bar myndarlegum kálfi í Húsdýragarðinum sl. laugardag. Kólga hafði misst hornin fyrr í vetur en hreindýrskýr halda vanalega hornum sínum fram yfir burð til varnar sér og kálfinum.

HREINDÝRIÐ Kólga kom á óvart þegar hún bar myndarlegum kálfi í Húsdýragarðinum sl. laugardag. Kólga hafði misst hornin fyrr í vetur en hreindýrskýr halda vanalega hornum sínum fram yfir burð til varnar sér og kálfinum. Starfsfólk garðsins taldi því ólíklegt að kýrin ætti von á kálfi og þess vegna kom burðurinn skemmtilega á óvart.

Hjálpa þurfti kálfinum í heiminn en bæði honum og móður hans heilsast vel.

Kálfurinn er tarfur en hann er undan Kólgu og Vakari. Vakar fæddist í garðinum árið 2002 en Kólga fæddist á Skriðuklaustri árið 1995.