Stefán Magnússon, eigandi Mathúss Garðabæjar, hefur ásamt körfuboltagoðsögninni Hlyni Bæringssyni opnað veitingastaðinn Nü Asian Fusion í Garðabæ.
Staðurinn hefur hlotið frábærar viðtökur, þá ekki síst meðal heimamanna sem fagna fjölbreytninni en úrval veitngastaða hefur ekki verið mikið í bæjarfélaginu þrátt fyrir að það hýsi vinsælasta veitingahús landsins.
Staðurinn er asískur og mikið var lagt í hönnun hans eins og sést á meðfylgjandi myndum. Stílhreint og fallegt en fyrir áhugasama segir sagan að Hlynur muni standa vaktina sjálfur þegar hann getur þannig að ungir körfuboltaaðdáendur eiga væntanlega eftir að venja komur sínar á Nü.