Þetta er HM ídýfan!

Þessi ídýfa er alveg frábær því í henni eru brauðsnúðar ...
Þessi ídýfa er alveg frábær því í henni eru brauðsnúðar sem rífa skal og dýfa í dásamlega blöndu af osti og spínati. mbl.is/slapdashmom

Nú er HM hátíð í fullu fjöri og landinn víkur ekki langt frá skjánum á meðan leikar standa sem hæst. Eitthvað verðum við þó að maula á meðan öllu þessu stendur því við verðum að hafa næga orku til að hvetja okkar menn áfram, spretta upp úr sófanum annað slagið, steyta hnefum á loft og bölva dómurum og svo framvegis. Það er því ekki úr vegi að gera vel við sig og mælum við sérstaklega með þessari ljúffengu osta-spínat-ídýfu. Hún er alveg frábær því í henni eru brauðsnúðar sem rífa skal og dýfa í þessa dásamlegu blöndu af osti, spínati og meira af osti.

HM ídýfan

  • 1 pizzadeig
  • 1 bolli ricotta ostur (það má einnig notast við kotasælu)
  • 1 lítill poki ferskt spínat
  • 1 bolli rjómaostur
  • 1 poki mozzarella ostur
  • handfylli af rifnum parmesan
  • chiliflögur

Aðferð:

  1. Blandið saman rjómaosti, ricotta osti og hálfum bolla af mozzarella osti í skál. Saxið spínatið og bætið út í skálina. Hrærið þetta saman þar til úr verður grautarkennd blanda.

  2. Rúllið pizzadeiginu út og skerið niður 10 jafna ferninga úr deiginu. Rúllið hverjum ferningi upp í snúð.

  3. Takið steypujárnspönnu eða hringlótt kökuform og smyrjið að innan með ólífuolíu eða smjöri. Raðið snúðunum meðfram brúnunum en skiljið miðju mótsins eftir tóma.

  4. Mokið osta-spínatblöndunni í miðju mótsins. Stráið chili flögum yfir eftir smekk. Takið afganginn af mozzarella ostinum ásamt parmensan ostinum og stráið yfir.

  5. Bakið við 175 gráður í 15 mínútur eða þar til osturinn er vel bráðnaður og brauðsnúðarnir orðnir brúnir.

  6. Berið fram ylvolgt og njótið með fótboltabullum.
Rúllið pizzadeiginu út og skerið niður 10 jafna ferninga úr ...
Rúllið pizzadeiginu út og skerið niður 10 jafna ferninga úr deiginu. Rúllið hverjum ferningi upp í snúð. Snúðunum skal svo raða innan í kökumót. mbl.is/slapdashmom
Mokið osta og spínatblöndunni í miðju mótsins. Stráið chili flögum ...
Mokið osta og spínatblöndunni í miðju mótsins. Stráið chili flögum yfir eftir smekk, ásamt osti og skellið inn í ofn. mbl.is/slapdashmom



mbl.is