Nýr litur í vinsælustu glervöru Rosendahl

Nýr litur í vinsælustu glervörum Rosendahl.
Nýr litur í vinsælustu glervörum Rosendahl. Mbl.is/Rosendahl

Það eru flestir sem þekkja „Grand Cru“ vörulínuna frá Rosendahl. Enda sjást vatnskaröflurnar og glösin víða á heimilum hér á landi. Nú hefur glervörulínan fengið upplyftingu sem á án efa eftir að slá í gegn.

Munnblásið og minimalískt! Grand Cru finnst núna í reyklituðu gleri og með rifflum sem gefa vörunum alveg nýtt útlit – og eins myndast skemmtilegt sjónarspil þegar birtan fellur á glerið. Glösin eru staflanleg og allt glerið þolir að fá snúning í uppþvottavélinni sem er mikill plús. Enda eru vörurnar hugsaðar til daglegra nota, og ekkert til sparað.

mbl.is