Páskasmákökur

Grunnur

• 12 stykki
• 12 tsk. Nusica súkkulaðismjör

Aðferð:

1. Byrjið á því að taka til bökunarpappír, gott er að hafa bretti undir og setja eina teskeið af súkkulaðismjöri á bökunarpappírinn og svo bara 11 stykki í viðbót.
2. Setjið inn frysti og leyfið að vera þar þangað til að deigið er tilbúið.

Deigið

• 100 g smjör
• 120 g púðursykur
• 50 g sykur
• 1 egg
• 1 tsk. vanilludropar
• 140 g hveiti
• ¼ tsk. lyftiduft
• ¼ tsk. matarsódi
• ½ tsk. salt
• 160 g Mini eggs (2 pokar)

Aðferð:

1. Þeytið létt saman smjör, púðursykur og sykur.
2. Bætið egginu og vanilludropum saman við og hrærið í 1-2 mínútur.
3. Mælið þurrefnin og hellið saman við deigið og hrærið þangað til að allt er orðið samlagað.
4. Skerið súkkulaði eggin í grófa bita.
5. Blandið því saman við með sleikju, gott er að skilja smá eftir til að setja á kökurnar áður en þær fara inn í ofn.
6. Til að fá kökurnar jafnar er gott að vigta þær, þannig að hver kaka er 40-50 g, þá fáið þið 12 kökur.
7. Notið matskeið eða skömmtunarskeið til að mæla kökurnar.
8. Rúllið þeim í kúlu og fletjið þær síðan aðeins með lófanum og setjið einn dropa af súkkulaðismjöri i miðjuna.
9. Lokið svo deiginu þannig að glitti ekkert súkkulaðismjörið. Setjið kökurnar á bretti og inn í ísskáp í 30 mínútur.
10. Stillið ofninn á 180°C hita.
11. Veltið einni hlið af kökunum upp úr auka súkkulaðinu.
12. Setjið bökunarpappír á ofnplötu, takið hverja köku og og setjið á plötuna.
13. Sex kökur á hverja plötu með góðu millibili.
14. Bakið í 11 mínútur.
15. Endurtakið með seinni sex, leyfið kökunum að kólna.
16. Berið fram og njótið með því sem ykkur þykir best.