Valgeir Magnússon, viðskipta- og hag­fræðing­ur, sagði frá því í Dagmálum Morgunblaðsins á dögunum að hann væri ekki á félagsmiðlum. Hann hætti líka að hlusta á hlaðvörp og tónlist í símanum sínum og segir að það hafi breytt mjög miklu fyrir sig. 

„Fólk er aldrei í þögn. Það er alltaf í neyslu,“ segir Valgeir. 

Þegar hann er spurður að því hvort það sé ekki nauðsynlegt fyrir fólk í auglýsingabransanum að vita hvað sé að gerast á félagsmiðlum segir hann það alls ekki vera þannig.  

„Það er einmitt nauðsynlegt fyrir fólk í auglýsingabransanum að vera ekki á samfélagsmiðlum. Við erum annaðhvort að búa til efni eða taka við efni. Ef maður er að láta mata sig endalaust fæðast engar hugmyndir. Það sem ég áttaði mig á þegar ég var búinn að vera svolítinn tíma í Noregi er að ég var kominn inn í rútínu. Þótt ég væri ekki með sjónvarp þá kom ég heim, bjó mér til mat og fór að hlusta á podcast. Ég fór út að labba og fór að hlusta á annað podcast eða tónlist. Svo var ég á leiðinni í vinnuna og hlustaði á eitthvað á leiðinni. Ég var að taka við upplýsingum og láta hafa ofan af fyrir mér. Ég áttaði mig á því að ég væri líklega of mikið að láta hafa ofan af fyrir mér því það er ákveðin fjarvera og hræðsla við að leiðast,“ segir Valgeir. 

„Þú veist að stjórnsemi er líka meðvirkni“

Tengdar fréttir

Valgeir Magnússon

„Ég ætla að verða meira Beyoncé“

• Reiði fólks í hlutfalli við stýrivexti
• Hvers vegna er enginn að tala um konu á sextugsaldri sem toppaði sig?
• Ekki lenda á girðingunni
• Auðvitað sýður upp úr!

» Fleiri tengdar fréttir

• Blogga um frétt