Stjörnur sem þú vissir ekki að hafa hlaupið maraþon
Setja bókamerki
Sannkallað hlaupaæði ríkir um þessar mundir og fjölmargir í fullum snúningi að undirbúa sig undir maraþon og aðrar keppnir í sumar.
Margir setja sér það markmið að hlaupa að minnsta kosti eitt maraþon yfir ævina til að sanna fyrir sjálfum sér að allt sé hægt ef viljinn er fyrir hendi – þar á meðal eru fjölmargar frægar Hollywood-stjörnur.
Smartland tók saman lista yfir 20 stórstjörnur sem margir vita ekki að hafa hlaupið heilt maraþon – og sumar þeirra eiga flottan tíma!
Alicia Keys – 05:50:52
Tónlistarkonan Alicia Keys tók þátt í New York-maraþoninu árið 2015 og kláraði á fimm klukkustundum, 20 mínútum og 52 sekúndum.
Gordon Ramsey – 03:30:37
Íslandsvinurinn og sjónvarpskokkurinn Gordon Ramsey tók þátt í Lundúna-maraþoninu árið 2004 og hljóp það á þremur klukkustundum, 30 mínútum og 37 sekúndum.
Pamela Anderson – 05:41:02
Leikkonan Pamela Anderson tók þátt í New York-maraþoninu árið 2013 og lauk við það á fimm klukkustundum, 41 mínútu og tveimur sekúndum.
Teri Hatcher – 05:06:42
Leikkonan Teri Hatcher hljóp maraþon í New York-borg árið 2014 á fimm klukkustundum, sex mínútum og 42 sekúndum.
Pippa Middleton – 03:56:33
Pippa Middleton tók þátt í Safaricom Lewa-maraþoninu í Kenýa árið 2015 og lauk því á þremur klukkustundum, 56 mínútum og 33 sekúndum.
Will Ferrell – 03:56:12
Leikarinn Will Ferrell náði sínum besta maraþontíma árið 2003 í Boston-maraþoninu þegar hann hljóp það á þremur klukkustundum, 56 mínútum og 12 sekúndum. Hann hafði þá tekið þátt í tveimur maraþonum – annars vegar í New York-borg árið 2001 og hins vega í Stokkhólmi árið 2002.
Ryan Reynolds – 03:50:22
Leikarin Ryan Reynolds tók þátt í New York-maraþoninu árið 2008 og kláraði á þremur klukkustundum, 50 mínútum og 22 sekúndum.
Uzo Aduba –05:01
Leikkonan Uzo Aduba hefur hlaupið tvö maraþon. Hennar besti tími var í Boston-maraþoninu árið 2015, en þá hljóp hún á fimm klukkustundum og einni mínútu. Árið 2019 tók hún svo þátt í New York-maraþoninu, en þá hljóp hún á sjö klukkustundum og 40 mínútum.
George W. Bush – 03:44:52
Fyrrverandi forseti Bandaríkjanna, George W. Bush, tók þátt í Houston-maraþoninu árið 1993 og kom í mark eftir þrjár klukkustundir, 44 mínútur og 52 sekúndur.
Oprah Winfrey – 04:29:20
Spjallþáttadrottningin Oprah Winfrey tók þátt í Marine Corps-maraþoninu árið 1994 og kláraði það á fjórum klukkustundum, 29 mínútum og 20 sekúndum.
Tyler Cameron – 04:39:54
Bachelorette-stjarnan Tyler Cameron hefur hlaupið þrjú maraþon. Hans besti tími var í New York-maraþoninu árið 2019, en það hljóp hann á fjórum klukkustundum, 39 mínútum og 54 sekúndum. Árið 2021 tók hann svo þátt í tveimur maraþonum, fyrst í Chicago maraþoninu og minna en mánuði síðar í New York-maraþoninu þar sem tíminn hans var fimm klukkustundir, tvær mínútur og 16 sekúndur.
Katie Holmes – 05:29:58
Leikkonan Katie Holmes tók þátt í New York-maraþoninu árið 2007 og kom í mark eftir fimm klukkustundir, 29 mínútur og 58 sekúndur.
Kevin Hart – 04:05:06
Leikarinn og grínistinn Kevin Hart hefur hlaupið tvö maraþon. Fyrst í New york-borg árið 2017 á fjórum klukkustundum, fimm mínútum og sex sekúndum, og síðar í Chicago árið 2018 á fjórum klukkustundum og 13 mínútum.
Aston Kutcher – 03:54:01
Leikarinn Aston Kutcher hljóp New York-maraþonið árið 2022 á undir fjórum klukkustundum sem telst vera ansi góður tími í maraþoni.
Tayshia Adams – 04:40:24
Bachelorette-stjarnan Tayshia Adams hljóp New York-maraþonið með þáverandi unnusta sínum Zac Clark, en þau komu saman í mark á fjórum klukkustundum, 40 mínútum og 24 sekúndum.
Diplo – 03:55:16
Tónlistarmaðurinn Diplo hljóp Los Angeles-maraþonið árið 2023, en eina markmið hans var að bæta tíma Opruh Winfrey frá árinu 1994 og gerði hann gott betur en það og braut fjögurra klukkustunda múrinn.
Natalie Dormer – 03:50:57
Leikkonan Natalie Domer braut líka fjögurra klukkustunda múrinn þegar hún hljóp Lundúna-maraþonið árið 2014 á þremur klukkustundum, 50 mínútum og 57 sekúndum. Tveimur árum síðar hljóp hún maraþonið aftur en þá var hún 24 sekúndum lengur, eða þrjár klukkustundir, 51 mínútu og 21 sekúndu.
Matt James – 03:46:45
Bachelor-stjarnan Matt James tók þátt í New York-maraþoninu árið 2021 og hljóp það á fimm klukkustundum, tveimur mínútum og 23 sekúndum. Hann tók svo aftur þátt ári síðar og bætti tímann sinn gífurlega, en þá hljóp hann á þremur klukkustundum, 46 mínútum og 45 sekúndum.
Karlie Kloss – 04:14:49
Ofurfyrirsætan Karlie Kloss tók þátt í New York-maraþoninu árið 2017 og kláraði á fjórum klukkustundum, 14 mínútum og 49 sekúndum.
Mario Lopez – 04:23:29
Sjónvarpsstjarnan Mario Lpex tók þátt í New York-maraþoninu árið 2011 og hljóp það á fjórum klukkustundum, 23 mínútum og 29 sekúndum.
Tveimur er haldið sofandi eftir rútuslysið
Eldur í þaki Kringlunnar
Segir nýja áætlun setja markið hátt
Guðni snýr aftur til starfa hjá HÍ
Hvergi nærri hætt – Boðar annað útlendingafrumvarp
„Þakklæti var þeim ofarlega í huga“
Allur tiltækur mannskapur sinnir slökkvistarfinu
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál