Sigurður Egill Lárusson, leikmaður Vals í fótbolta, hefur sett glæsilega íbúð sína á sölu. Íbúðin er 83 fm að stærð og er í húsi sem var reist árið 2004. Íbúðin er tveggja herbergja og á jarðhæð en ekki er um hefðbundna blokk að ræða heldur eiginlega raðhús. Ef hægt er að segja svo. Að minnsta kosti neðri hæð í tveggja hæða húsi.
Heimili Sigurðar Egils er stílhreint og smart þar sem ljósar viðarinnréttingar eru í forgrunni. Eldhúsið er opið inn í stofu og er tangi sem aðskilur þessi tvö rými. Háfur er fyrir ofan tangann sem gerir það að verkum að það angar ekki allt í matarlykt þegar Sigurður Egill er að elda.
Eitt svefnherbergi er í íbúðinni en úr því er hægt að hægt að ganga út í garð þar sem er verönd.
Eins og sést á myndunum er íbúðin sérlega eiguleg og á besta stað í bænum en úr Stakkahlíðinni er stutt í allar áttir og er Kringlan við túnfótinn.