Katrín Oddsdóttir, lögfræðingur og talsmaður nýrrar stjórnarskrár, hefur fest kaup á nýrri íbúð. Um er að ræða 146 fm íbúð sem stendur í húsi sem var reist 1942. Katrín bjó áður í Þingholtunum ásamt fyrrverandi eiginkonu sinni, Kristínu Eysteinsdóttur, rektor Listaháskóla Íslands.
Nýja íbúðin er við Guðrúnargötu í Reykjavík með útsýni út á Kjarvalsstaði. Um er að ræða bjarta og fallega fimm herbergja efri hæð og ris í tvíbýlishúsi. Ásett verð var 99 milljónir en Katrín greiddi 97 milljónir fyrir íbúðina.
Smartland óskar Katrínu til hamingju með nýja heimilið!