Útvarpsstjarnan Atli Már Steinarsson og Katla Ómarsdóttir kennari hafa fest kaup á glæsilegri íbúð við Hjarðarhaga. Íbúðin var áður í eigu Nadinar Guðrúnar Yaghi, samskiptastjóra hjá flugfélaginu Play, en hún hefur búið í íbúðinni ásamt kærasta sínum, Snorra Mássyni, ritstjóra á ritstjóra.is. Íbúðin var ekki auglýst til sölu heldur keypt í skúffunni eins og sagt er. 

Um er að ræða 84,5 fm íbúð sem er í blokk sem reist var árið 1955. Íbúðin er fallega innréttuð með hvítum sprautulökkuðum innréttingum og parketi á gólfum. 

Á dögunum settu Atli Már og Katla íbúð sína við Barmahlíð á sölu. 

Atli Már og Katla eiga von á sínu fyrsta barni eins og greint var frá á fjölskylduvef mbl.is í janúar. 

Smartland óskar þeim til hamingju með nýju íbúðina.