Inga Tinna og Logi Geirs mættu með börnin

Kærustuparið Inga Tinna Sigurðardóttir eigandi Dineout og handboltastjarnan Logi Geirsson létu sig ekki vanta þegar veitingastaðurinn Pure deli opnaði aftur á nýjum stað. Með í för voru afkvæmi Loga.

Altjón varð á gamla staðnum eftir að bruni kom upp í sama húsnæði og hýsti staðinn í Kópavogi.

Ingibjörg Þorvaldsdóttir eigandi Pure deli lét það ekki stoppa sig, fann nýtt húsnæði og riggaði upp teiti á laugardaginn þar sem vinum og velunnurum var boðið til veislu. 

„Ég er borg­ar­stelpa og ólst upp í Álfta­mýr­inni. Ég hef alla tíð verið með kaup­manns­genið, var alltaf að setja upp búðir og tom­ból­ur sem krakki og þegar Kringl­an opnaði þá byrjaði ég fljót­lega að vinna þar í versl­un­inni 17, aðeins 13 ára göm­ul. Þar starfaði ég í tíu ár með skóla og í fullri vinnu síðar. Mér fannst ávallt gam­an í vinn­unni, hún átti hug minn all­an og ég hélt svo áfram með eig­in versl­an­ir og lengst af átti ég og rak Oasis sem var mjög vin­sæl hér á landi. Fram­setn­ing, út­lit og heil­brigður lífs­stíll er mitt áhuga­mál og ég elska salöt og ferska safa og það er uppistaðan í mínu mataræði og hef­ur verið. Þegar ég fór fjöru­tíu ára göm­ul úr tísku­heim­in­um yfir í mat­inn gat ég nýtt svo margt úr minni smiðju því öll vilj­um fá fal­lega fram­sett­an mat og fá góða heild­ar­upp­lif­un þegar við fáum okk­ur að borða,“ sagði Ingibjörg í viðtali á Matarvef mbl.is í síðustu viku. 

Ingibjörg og kærasti hennar, Bjarni Már Bjarnason, buðu upp á glæsilegar veitingar í boðinu sem runnu ljúflega niður eins og sjá má.