Melanie Griffith átti ljón sem gæludýr í æsku

Árið 1971 varði ljósmyndarinn Micheal Rougier, sem starfaði hjá Time, nokkrum dögum heima hjá leikkonunni Tippi Hedren og fjölskyldu hennar.

Rougier myndaði fjölskyldulífið sem var ekki beint með hefðbundnu sniði. Hedren og fjölskylda hennar áttu nefnilega 180 kg ljón sem gæludýr. Ljónið hét Neil. Hedren var ekki aðeins leikkona heldur einnig mikill dýraverndunarsinni og starfaði með Roar-samtökunum sem voru stofnuð í þágu stórra katta. Á myndunum má sjá að dóttir Hedren, leikkonan Melanie Griffith, nýtur þess í botn að hafa ljón á heimilinu.

Ljósmyndirnar sem Rougier tók á þessum tíma eru svo sannarlega magnaðar. Þær má skoða á heimasíðu Time. Hér kemur brot af ljósmyndaseríunni.