Rúnar Páll Sigmundsson, þjálfari karlaliðs Stjörnunnar, fær að taka UEFA-Pro-þjálfaragráðuna í gegnum sænska knattspyrnusambandið.
Sænski netmiðillinn Fotbollskanalen skýrði frá þessu í gærkvöld og haft var eftir Roger Sandberg, yfirmanni þjálfaramenntunar í Svíþjóð, að þetta væri tilkomið samkvæmt beiðni KSÍ.
Íslenskir þjálfarar hafa tekið UEFA-Pro-gráðuna, þá hæstu í Evrópu, í gegnum m.a. England, Danmörku og Þýskaland en Rúnar fer fyrstur á vegum KSÍ til Svíþjóðar. Magni Fannberg tók þó gráðuna þar en komst inn þar sem hann þjálfaði þá sænskt félag.